Johannesburg. - Meer
as 4 000 huiskopers, van wie sommige al verbande afbetaal, sit sonder huise op grond van ’n enorme eiendomskandaal waarby
miljarde rande betrokke is.
Die
kopers wag vergeefs dat hul huise in nuwe
residensiële ontwikkelings voltooi word terwyl die ontwikkelaar voortgaan om die
een ná die ander nuwe ontwikkeling bekend te stel.
Die
ontwikkelaar is mnr. Donovan Atkins, wat deur middel van Theos Projects en ’n
hele rits filiale sake doen.
Van
die kopers het al oordrag van hul erwe geneem en betaal aan verbande af, wat
deur al vier die groot banke toegestaan is.
Daar
is egter geen teken van huise wat gebou word nie,
of hul huise is nog nie voltooi nie.
By
twee van die projekte waar bouwerk begin is, is dit gestaak omdat die
ontwikkelingsmaatskappy, Theos Projects, nie die kontrakteur betaal het
nie.
Finansiering
wat vir die bou van huise toegestaan is, is nie
alles vir die bouprojekte gebruik nie.
Sake24
is bewus van minstens tien ontwikkelings landwyd waar meer as 4 000 eiendomme
deur Theos Projects en van sy filiale bemark en verkoop is. Dié transaksies
behels dat kopers ’n erf koop saam met ’n
boupakket om ’n huis te bou. Erfpryse begin by R265 000 en boupryse by
R249 900.
Intussen
is slegs 42 huise voltooi.
Die
ontwikkelings sluit in Heritage Manor (Krugersdorp), Sagewood Manor (Midrand),
Misty Hills (Bronkhorstspruit), Heatherview (Pretoria-Noord), Sekelbos (Brits),
Eastwood (Springs), Nonyana (Vaalrivier) en Bridgemead (Port Elizabeth). Theos
Projects brei uit dat dit klap.
In
’n ontleding van die maatskappy staan dat hy 21 projekte landwyd het met ’n totale waarde van R8,8 miljard en toekomstige
projekte met ’n waarde van R22 miljard vir tussen
2008 en 2010.
Een
van die maatskappy se filiale, Red Coral Investments 13, is reeds gelikwideer
en ’n tweede filiaal, Red Coral Investments 37, is onder voorlopige likwidasie
geplaas.
By
Heritage Manor in Krugersdorp oefen mnr. Frikkie Mellett van Proud Afrique tans
sy retensiereg uit. Proud Afrique is deur Theos Projects se filiale Red Coral
Investments 13 en New Approach Building as bouer van al die eenhede in die
Heritage Manor- en die Sagewood-ontwikkelingskomplekse aangestel. Bouwerk het
tot stilstand gekom omdat hy nie betaal is nie, sê Mellett. Atkins skuld hom glo
R32 miljoen en Proud Afrique is as gevolg daarvan gelikwideer, sê hy.
Van
die beplande 422 huise in die ontwikkeling is
slegs 219 in verskillende fases van voltooiing en slegs 42 is al voltooi.
Mellett
sê wat by Heritage gebeur het, is dat die erwe in die kopers se name
geregistreer is, wat hul verbande by die banke geaktiveer het. Hy sê die geld
vir die erwe is deur die banke aan Atkins betaal. Van die geld moes gebruik word
om die bouprojek aan die gang te kry, maar dit het nie gebeur nie.
Van
die kliënte het toe in ’n stadium opgehou om hul verbandpaaiemente te betaal
omdat die bouwerk nie gevorder het nie. Die banke het toe outomaties die geld
uit hul boukapitaal gehaal, wat beteken hul boupakket is opgevreet. Dit het tot
gevolg dat die bouer nie sy geld kry nie en die kliënt nie sy huis nie.