Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
Konteks is die volgende groot
neiging in die tegnologie- en sakewêreld.
Só sê die konsultasie-maatskappy
Accenture in sy Technology Visions 2012-verslag, wat onlangs uitgereik is.
Die belangrikste neiging wat
Accenture opmerk, is die noodsaak van konteks, of bykomende inligting, in die sakewêreld.
Jou boekwinkel, byvoorbeeld, moet ook weet wie jy is en wat jou
koopgeskiedenis is, sê mnr. Willie Schoeman, Accenture se tegnologiehoof in
Suid-Afrika. Dit maak dit makliker om spesifieke boeke aan jou te bemark op
grond van jou vorige aankope, soos reeds die norm
is op webwerwe soos Amazon.
Dit bied ’n meer persoonlike ervaring en skep ’n mate van
lojaliteit tussen jou en die winkel.
“Ons is bedrywig in 120 lande en dit gee ons insae in wat in
IKT-organisasies aangaan,” sê hy.
Sosiale media word ook al hoe belangriker – nie net as ’n manier
vir ondernemings om met mense te kommunikeer nie, maar as ’n manier van sake
doen.
“Sosiale media word beskou as ’n soort bemarkingsplatform, maar dit
word nou ’n sake-geleentheid. Ondernemings verkoop hul produkte of dienste deur
sosiale media. Deur sulke media te gebruik, bou maatskappye ’n verhouding met
hul klante.”
Die enorme toename in die inligting wat mense daagliks oordra, beteken dat
maatskappye ook al hoe sterker begin fokus op hoe hulle hul data bestuur.
“Sê nou ek laai die foto’s van my
digitale kamera op my rekenaar. Later voeg ek nog by. My foto’s begin dan die hele wêreld vol lê,” sê Schoeman. Nie net die hoeveelheid data is dan ’n probleem nie, maar ook
die organisasie daarvan.
Dit het ook te doen met die
gewildheid van wolkverwerking. “Deesdae lê my data oral en word dit ingewikkeld
om te bestuur. Dit lê nie meer net in bedieners êrens elders in die gebou nie, maar in Ierland en in Indië,” sê
hy.
Accenture glo meer maatskappye sal hul data begin deel om die bestuur daarvan makliker te maak. Dit veroorsaak
egter kwellings oor sekuriteit. “Die
sekuriteitsmaatreëls wat maatskappy tans gebruik om hul data te beskerm, is nie
voldoende nie,” sê Schoeman. Hy sê daar word deesdae ook van maatskappye verwag
om al hoe vinniger nuwe tegnologie of dienste te skep. Alles moet deesdae binne
ure gebeur, sê Schoeman.
Dis moontlik deurdat maatskappye rekenaars, dienste en sagteware
kan huur en sodoende vinnig ’n nuwe produk kan skep en toets.
“Dit beteken dat selfs klein maatskappye nou met die bielies kan meeding,” sê Schoeman.