Maatskappydata
| Laaste verhandeling |
R132.69 |
| Change |
R0.19 |
| % Verandering |
0.14% |
| Volume |
1.39m |
| Markkapitalisasie |
R250.11mjd |
Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
Die regering het die naweek ontken dat MTN druk op hom geplaas het om Iran se kernprogram te
ondersteun.
“Suid-Afrika se buitelandse beleid is onafhanklik en kan deur
niemand beïnvloed word nie,” sê mnr. Clayson Monyela, woordvoerder van die
departement van buitelandse sake.
MTN word in die VSA deur sy
Midde-Oosterse mededinger Turkcell gedagvaar oor ’n selfoonlisensie in Iran.
Turkcell, wat in 2004 onsuksesvol aansoek gedoen het om dié
lisensie, het Vrydag bevestig dat hy hom na die hof wend.
“Onderhandelinge tussen ons maatskappy en MTN is ’n wesenlike tyd aan die gang en dié gesprekke
duur nog voort,” het die maatskappy in ’n verklaring gesê.
Turkcell sal in die hof MTN daarvan
aankla dat hy Suid-Afrika se regering aangemoedig het om Iran se kernprogram te
ondersteun. Die Turkcell-selfoonmaatskappy sal MTN
ook daarvan aankla dat hy die regering gevra het om wapens aan Iran te verskaf
en militêre personeellede om te koop in ’n poging om die lisensie te verkry.
MTN het die bewerings verwerp maar die maatskappy se aandeelprys het
Vrydag in ’n stadium met tot 4,4% gedaal. Die aandeelprys is ook geknou deur ’n
laer kredietgradering van Credit Suisse.
Mnr. Cyril Ramaphosa, MTN se
voorsitter, het in ’n verklaring gesê die maatskappy het ’n beleid van geen
verdraagsaamheid teenoor korrupsie en onetiese sakepraktyke. MTN sal ’n spesiale komitee aanstel om die klagtes te
ondersoek.