Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
Johannesburg.
– ’n Private maatskappy sal aanstaande maand die eerste keer ’n ruimtetuig
lanseer en om die aarde laat wentel – en ’n gebore Suid-Afrikaner is die brein
agter die projek.
Die
Suid-Afrikaans gebore mnr. Elon Musk se SpaceX-maatskappy het die groen lig van die
Amerikaanse lugvaart-en-ruimte-agentskap (Nasa) gekry om ’n ruimtevlug na die
Internasionale Ruimtestasie (IRS) te onderneem.
Nasa het ’n
kontrak ter waarde van $1,6 miljard met die maatskappy gesluit vir ’n minimum
van 12 ruimtevlugte, met die opsie om bykomende sendings uit te voer.
Daar is ’n
sterk moontlikheid dat SpaceX begin volgende
maand gereed sal wees om sy eerste ruimtevlug na die IRS te onderneem.
Dit kan
selfs al op 7 Februarie gebeur, volgens Nasa, mits SpaceX se ruimtetuig aan al Nasa se standaarde vir
kommersiële wentel- ruimtevlugte voldoen.
Musk,
uitvoerende hoof van die maatskappy, het einde verlede jaar in ’n verklaring
gesê SpaceX se Falcon 9-vuurpyl en
Dragon-ruimtetuigkapsule se eerste toetsvlug het baie goed verloop.
Dit het
behels dat die Dragon-kapsule homself suksesvol van die Falcon 9-vuurpyl moes
losmaak, die atmosfeer moes binnedring en daarna met die hulp van ’n valskerm in
die Stille Oseaan moes land. Musk is vol hoop dat die volgende twee toetse ewe
suksesvol sal wees en sy maatskappy die teikendatum sal haal.
Vir die
volgende toetsvlugte moet die Dragon-kapsule beman word. Ruimtevaarders moet dit
regkry om die kapsule aan die IRS te anker, die kapsule oop te maak en vragte
van die IRS daarin oor te laai en uiteindelik weer terug aarde toe te bring.
Die kapsule
behoort aan die kus van Kalifornië in die Stille Oseaan te land.
As die
Dragon-kapsule hierdie taak kan uitvoer, kan SpaceX later vanjaar op ’n gereelde grondslag
ruimtevlugte na die ruimtestasie onderneem.
Nasa hoop
vir twee vlugte in 2013 en drie in 2014.
SpaceX het reeds in 2008 toestemming van Nasa verkry om
kommersiële vuurpyle te ontwikkel waarmee hy af en toe vragte of selfs
ruimtereisigers heen en weer na die IRS kan stuur. Dié kontrak is destyds
gesluit met die oog op die beëindiging van Nasa se pendeltuig-program einde
verlede jaar.
Musk het
SpaceX in 2002 gestig en die maatskappy onderneem
al geruime tyd ruimtevlugte en ruimte-lanserings.
- Bronne: spacex.com, die Nasa-webblad, Bloomberg en
earthtechling.com.