Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
Kaapstad. – Die bedanking van mnr. Nick Badminton as uitvoerende hoof van Pick n Pay is nie
werklik ’n verrassing vir die kleinhandelaar se
direksie nie, het mnr. Gareth Ackerman, voorsitter van Pick n Pay, gister gesê.
“Ons het geweet dit moet kom. Nick is al 32 jaar by die maatskappy
en ons het al daaroor gepraat dat hy ’n blaaskans wil neem. Hy het verskeie
doelwitte gehad wat hy nou bereik het. Al sy kinders neem oorbruggingsjare, nou
is dit sy beurt,” het Ackerman aan Sake24 gesê.
Die Pick n Pay-direksie was klaarblyklik gereed vir groot skuiwe
met die aanstelling van mnr. Richard van Rensburg verlede jaar as adjunk-
uitvoerende hoof. Voorts is die internasionale kleinhandelghoeroe mnr. Helmut
Hoerz pas as hoof van handelsware aangestel.
Afrika se derde grootste
kleinhandelaar se aandeelprys het die nuus nie
goed gevat nie en die res van die dag laer verhandel.
Badminton het in ’n verklaring gesê
dat die belangrikste veranderinge wat nodig was om Pick n Pay te transformeer
nou reeds gedoen of ver gevorder is.
In 2007 het hy die bestuur oorgeneem van ’n maatskappy wat
transformasie nodig gehad het.
Onder sy leiding is SAP intussen suksesvol ingestel; Franklins in
Australië verkoop; aggressief in Afrika uitgebrei; en omvattend in die
sentralisering van sy verspreidingsentrum belê.
Die Smart Shopper-lojaliteitskaart, ’n eerste vir ’n groot
kruidenierskleinhandelaar hier, is ook bekend gestel. Alles ten doel om
markaandeel en wins te verbeter.
Een van die gevolge van die beleggings was dat Badminton aan die stuur was ten tye van swak resultate.
Die mate waarin Pick n Pay se skuld
toegeneem het, is volgens ontleders ’n bekommernis weens die rentelas.
Pick n Pay se aandeelprys het gister op die JSE
54c laer op R45,30 gesluit.