Maatskappydata
| Laaste verhandeling |
R52.75 |
| Change |
R0.74 |
| % Verandering |
1.42% |
| Volume |
6,668 |
| Markkapitalisasie |
R5.07mjd |
Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
Die kitskos- en restaurantgroep Famous Brands se inkomste
het in die drie maande tot einde Desember met 10% gestyg.
Dit sluit in die inkomste van die nuwe restaurante wat hy nie in
die ooreenstemmende drie maande in 2010 gehad het nie.
Met die nuwe restaurante uitgesluit, het sy inkomste met 6,8%
toegeneem. Die bestuur het in ’n handelsoorsig gesê die vertoning het
ooreengestem met verwagtinge.
Mnr. Kevin Hedderwick, uitvoerende hoof van Famous Brands, het gesê
gedempte handelstoestande heers steeds.
Volgens hom het die handelspatrone in Desember ook verskil van
ander jare. Dit is toegeskryf aan die voortgesette finansiële druk op
verbruikers.
Famous Brands meen die normale uittog van vakansiegangers van
die binneland na die kus het baie later as gewoonlik plaasgevind en in kleiner
mate as voorheen. Volgens Hedderwick was die verkope by hul restaurante op
roetes na die kus en op lughawens effens matiger. Daarteenoor was die vertoning
van die groep se restaurante in binnelandse winkelsentrums effens sterker as
verwag.
Hy het gesê die kwartaal se vertoning was egter bevredigend in die
lig daarvan dat baie van die goed gevestigde handelsname baie restaurante het en
derhalwe groei van ’n hoë grondslag plaasvind.
Wimpy het 521 restaurante, Steers 532, Debonairs 370, Mugg &
Bean 128 en FishAways 123 restaurante. In die kwartaal is 60 restaurante in
Suid-Afrika en 18 in die res van Afrika geopen. Die meeste was Debonairs Pizza-
en Mugg & Bean-takke.