Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
Kaapstad. – Massmart verwag dat sy
verdienste en wesensverdienste vir die ses maande tot 25 Desember 17% tot 25%
hoër sal wees as ’n jaar tevore.
Hy raam sy verdienste sal tussen R864 miljoen en R923,1 miljoen
wees en sy wesensverdienste tussen R865,2 miljoen en R924,4 miljoen.
Die basiese wesensverdienste per aandeel en wesensverdienste per
aandeel sal na raming 10% tot 18% hoër wees.
Die basiese verdienste per aandeel sal waarskynlik tussen 401,8c en
431,1c wees en die wesensverdienste per aandeel tussen 402,4c en 431,6c.
Die swakker groeisyfer vir die verdienstes per aandeel kan
toegeskryf word aan die groter aantal uitgereikte aandele ná die
Walmart-transaksie in Junie verlede jaar teenoor die vergelykende tydperk.
Mnr. Grant Pattison, uitvoerende hoof, het op Massmart se
jaarvergadering in November gesê daar word verwag
dat verkope vir die res van die lopende boekjaar sterk sal wees.
Die groep se beleggings in prys, groei, kapasiteit en integrasie
sal na verwagting egter druk op sy bedryfswins plaas.
Mnr. Warrick Lucas, senior beleggingsontleder van Imara SP Reid,
het gesê daar is nie tekens van oornamepyne in die syfers nie.
Daar is ook sterk groei in veral Makro en Game se verkope wat
aangevuur is deur groot promosieveldtogte, hoewel dit ’n uitwerking op die bruto
marge kan hê. Imara beskou die aandeel as duur.
Massmart se aandeelprys het gister met 1,05% tot R176 gedaal.
Die groep se tussentydse resultate sal op 22 Februarie bekend
gemaak word.