Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
Die adjunkminister van handel en nywerheid, me. Elizabeth Thabethe,
lei vandag ’n groep handwerkuitstallers na die derde internasionale
handwerkuitstalling in Kameroen.
Onder die uitstallers is koöperasies
wat deur die departement befonds word.
Dit behels onder meer die Hi Hlurile-koöperasie wat in Limpopo
gevestig is en uit 27 lede bestaan wat handgemaakte krale vervaardig.
Verder is daar ook die Gauteng
Imfundiso-vaardigheidsontwikkelingsopleidingsinstituut wat in Gauteng gevestig
is wat top-juweliersware vervaardig en opleiding verskaf in tegniese vaardighede
in juweliersontwerp, sowel as Itlhabolole-afvalbestuurskoöperasie van Noordwes
wat die herwinning van afval bedryf.
Die uitstalling sal tot 3 Februarie duur.
In ’n verklaring wat deur die departement uitgereik is, sê Thabete
een van die redes waarom die uitstalling bygewoon word, is om bande tussen die
lande te versterk en uitstallers te laat voordeel
trek uit handelsooreenkomste wat moontlik gesluit kan word.
Daar sal ook vergaderings op bilaterale vlak gehou word deur
beamptes om tegniese samewerkingsreëlings te finaliseer met betrekking tot klein
en mikro-ondernemingsontwikkeling, nywerheidsnavorsing en tegnologie-oordrag,
landbou en agri-verwerking, asook mynwese en toerisme.
Dié vergaderings sal ’n oplossing vind vir die skep van ’n
gesamentlike handels- en beleggingskomitee.