Maatskappydata
| Laaste verhandeling |
R267.93 |
| Change |
R-0.41 |
| % Verandering |
-0.15% |
| Volume |
1.42m |
| Markkapitalisasie |
R359.82mjd |
Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
Johannesburg. – Codelco, die
Chileense staatsbeheerde koperprodusent, het Anglo
American Maandag verwittig dat hy sy opsie uitoefen om sy belang van 49% in
Anglo se Chileense kopermaatskappy te koop.
Anglo het gister ’n ewe formele, maar
kil antwoord gestuur: Codelco het geen opsie op
aandele in die maatskappy, Anglo American Sur, nie
omdat Codelco kontrakbreuk gepleeg het deur die
opsie voortydig te probeer uitoefen.
Codelco het Anglo ook probeer keer om aandele in Sur aan ’n derde
party, Mitsubishi van Japan, te verkoop. Anglo
beskou dit ook as kontrakbreuk, wat beteken dat hy hom nie meer gebonde beskou
aan die opsiekontrak nie, het Anglo gister in ’n
verklaring gesê.
Die nuwe ronde in die twis wat met die aanbreek van 2012 ingelui
is, gaan oor ’n belang in Los Bronces, die vyfde grootste kopermyn ter wêreld
wat Anglo met groot koste en moeite ontwikkel het.
Die ontwikkeling is einde verlede jaar voltooi.
Codelco het Anglo reeds in Oktober 2011 ingelig dat hy sy opsie gaan
uitoefen om 49% van Anglo American Sur, die
eienaar van Los Bronces, te koop. Die opsie bestaan sedert die 1970’s, maar kan
net elke derde jaar in Januarie uitgeoefen word teen $6 miljard.
Toe Codelco Anglo in Oktober inlig dat hy die opsie gaan uitoefen,
het Anglo dadelik aan die werk gespring en 24,5%
van Sur aan Mitsubishi verkoop teen $5,39 miljard – byna dubbel die prys wat
Codelco vir dieselfde belang sou betaal het. Dit
het ook die beskikbare aandele wat Codelco kan
opneem tot 24,5% verminder.
Volgens Anglo American is daar niks
in die opsiekontrak wat hom verbied om aandele in Sur te verkoop voordat Codelco sy opsie uitoefen nie.
Codelco het egter aansoek gedoen om
’n hofbevel wat Anglo se transaksie met Mitsubishi
nietig verklaar.
Die hof in Santiago sal later vandeesmaand daaroor uitspraak
lewer.