Maatskappydata
| Laaste verhandeling |
R11.10 |
| Change |
R-0.09 |
| % Verandering |
-0.80% |
| Volume |
1.01m |
| Markkapitalisasie |
R5.22mjd |
Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
Johannesburg. – Gedwonge veiligheidsonderbrekings in die
Rustenburg-omgewing het Aquarius Platinum se
Kroondal-myn in die kwartaal tot einde Desember 10% van sy produksie
gekos.
Al die onderbrekings was kragtens art. 54 van die Wet op Gesondheid
en Veiligheid in Myne, waarvolgens ’n myninspekteur die reg het om alle werk in
’n myn tot stilstand te bring ná ’n besering of sterfgeval. Mnr. Stuart Murray,
Aquarius se uitvoerende hoof, het gister gesê dié
vraagstuk maak die Suid-Afrikaanse mynbedryf ’n moeilike plek om in te
werk.
“Die ideaal van geen beserings is lofwaardig, maar daar moet
praktiese maniere wees om die wet toe te pas. Dis nie net die getal
onderbrekings wat toegeneem het nie, maar ook die duur daarvan – van twee dae
tot ’n week of selfs langer,” sê Murray in Aquarius se nuutste produksieverslag, wat gister
uitgereik is.
Anglo American Platinum (Amplats) en Lonmin het verlede week ook
groot produksieverliese aan die “blindelingse toepassing” van art. 54
toegeskryf. ’n Gesamentlike taakgroep van die regering, die Kamer van Mynwese en
vakbonde gaan oor die toepassing van dié artikel
beraadslaag, maar mnr. David Msiza, hoofinspekteur van myne, het vandeesweek
beklemtoon dat daar geen sprake is van wysigings daaraan nie.
’n Staking van twee weke by Aquarius
se Everest-myn het die produksie van platinumgroepmetale met 19% laat daal tot
18 712 onse. In Zimbabwe, waar hy in vennootskap met Implats die Mimosa-myn
bedryf, dreig reguleringskwessies om met koste op loop te sit.
Aquarius se aandeelprys het gister
6,62% laer op R20,45 gesluit. Die maatskappy het die afgelope jaar 47,9% van sy
waarde verloor.