Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
Harmony Gold gaan sy Evander-myn in
Mpumalanga vir R1,7 miljard aan ’n vennootskap van Pan African Resources en Wits
Gold verkoop.
Met dié transaksie sal albei kopers ’n gedaanteverwisseling
ondergaan en Harmony meen hy kan dié geld, asook
die kapitaalbesteding wat Evander verg, beter bestee aan sy nuwe kroonjuweel,
die Wafi-Golpu-projek in Papoea- Nieu-Guinee.
Pan African en Wits Gold sal gelyke belange in die myn bekom wat
hulle met “skuld, ekwiteit en kontantvloei uit bedrywighede” sal
finansier.
Albei het die vennootskap geregverdig deur daarop te wys dat hulle
nie alleen ’n myn van Evander se gehalte sou kon bekostig het nie. Evander het
’n geskatte leeftyd van nog tien jaar met ’n gemiddelde jaarlikse produksie van
sowat 90 000 fynonse goud.
Sy gemiddelde kontantkoste was onlangs nog R209 000 per kg, heelwat
meer as die R160 000 van Pan African se Barberton-goudmyne, maar steeds
aantreklik met goudpryse nou goed bo R400 000 per kilogram.
Pan African se goudproduksie sal danksy die verkryging onmiddellik
met byna 50% opskiet van die huidige 95 000 fynonse per jaar, terwyl Evander
Wits Gold se eerste goudproduksie sal lewer.
Wits Gold besit grootliks onbenutte prospekteerregte op enorme dele
van die Witwatersrand en beplan om sy eerste myn in die Vrystaat teen 2016 op
die been te hê.
Benewens die produserende Evander-myn sluit die transaksie ’n
aantal naburige ontwikkelingsprojekte in.
Mnr. Philip Kotze, Wits Gold se uitvoerende hoof, het in ’n
verklaring gesê kontant van Evander sal die groep help met sy
mynontwikkelings.
Daar is nog heelwat opskortende voorwaardes wat uit die weg geruim
moet word, waaronder Wits Gold en Pan African se insameling van die koopsom,
goedkeuring deur albei se aandeelhouers asook die gebruiklike goedkeuring
ingevolge regulasies.
Daar word gehoop dat die transaksie teen Julie afgehandel sal kan
word.