Maatskappydata
| Laaste verhandeling |
R11.10 |
| Change |
R-0.09 |
| % Verandering |
-0.80% |
| Volume |
1.01m |
| Markkapitalisasie |
R5.22mjd |
Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
Johannesburg. – Aquarius Platinum het in die eerste kwartaal van sy
boekjaar deurgeloop onder groter mynkoste, swak produksie en bedeesde pryse vir
sy platinum-groepmetale (PGM’e).
Die onderprestasie van kontrakteurs en probleme om nuwe
veiligheidsreëls na te kom, bly die groep teister, het hy gister in ’n
verklaring gesê.
Aquarius se netto verlies van
$91,8 miljoen is “verwring” deur ’n valuta-verlies
van $94,3 miljoen weens die herwaardering van lenings tussen die eenhede van die
groep. Die maatskappy se bedryfsvertoning in die kwartaal tot einde September was ook baie teleurstellend.
Sy toeskryfbare produksie van 109 828 fynonse PGM’e was 10% minder
as ’n jaar tevore. Die gemiddelde prys per fynons
PGM’e het op ’n jaargrondslag met 17% gestyg tot
$1 450, maar dit het met 2% afgeplat sedert die vorige kwartaal. Die mynkoste
per fynons het met 28% opgeskiet weens die groot vaste koste en swakker produksie.
Dit is onwaarskynlik dat PGM-pryse binnekort sal verbeter, hoewel
die vooruitsigte op mediumtermyn goed lyk, het Aquarius gesê. Sy
boor-en-skiet-siklus word ook ontwrig deur die toepassing van ’n nuwe standaard
waarvolgens myntonnels se dakke beveilig moet word waarvoor toerusting uit die
buiteland nie beskikbaar is nie.
Hy moet dus op ’n tydrowende manier aan die standaard probeer
voldoen.
Die onderprestasie van die groep se primêre mynboukontrakteur,
Murray & Roberts Cementation (MRC), het glo in die kwartaal
“toegeneem”.
Produksie- en koste-teikens word
voordurend misgeloop, terwyl veiligheidstandaarde en arbeidsverhoudinge onder
peil is, sê Aquarius.
Ná die kwartaal het kontrakwerkers by die Everest-myn gestaak weens
’n erkenning-dispuut met MRC. Dié dispuut duur voort, maar Aquarius het self
ingegryp om die werkers terug op hul pos te kry nadat die myn twee weke se
produksie verloor het.
Hy sal die koste-grondslag van sy
kontrak met MRC hersien en die verhouding met die kontrakteur aanpas sodat hy
“toenemend kan ingryp”.
Aquarius se deurlopende probleme met sy kontrakteurs het al daarop
uitgeloop dat hy kleiner kontrakteurs se werkmag eenvoudig self oorgeneem het.