Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
Johannesburg. – Suid-Afrika se mynbouproduksie was in November
verlede jaar weer eens swakker as ’n jaar tevore, ondanks ’n wesenlike
verbetering teenoor Oktober.
In die 11 maande tot einde November was mineraalproduksie 0,1% laer
as ’n jaar tevore, het Statistieke Suid-Afrika (SSA) gister bekend gemaak. Veral
diamantmyne het sleg afgesteek, met ’n inkrimping van 17,2% in produksie.
In die 11 maande was goudproduksie op ’n jaargrondslag 3,8% laer. Die enigste noemenswaardige
groeisektor in dié tydperk was mangaan.
In die loop van die jaar het nuwe myne in die Noord-Kaap dié sektor
met 21,4% laat groei.
Die platinummyne het 0,8% meer geproduseer.
In die drie maande tot einde November het mineraalproduksie met 2%
gedaal, sê SSA. Dit was grotendeels weens die swakheid van die platinumsektor,
wat vroeër in die jaar nog die belofte van groei ingehou het, maar uiteindelik
9,9% minder geproduseer het.
Die waarde van mineraalverkope was in Oktober sowat R33 miljard,
het SSA gesê. Dit was seisoenaal aangepas 3,4% minder as in September, maar op
’n jaargrondslag 22,1% meer as in Oktober
2010.
In die tien maande tot en met Oktober 2011 was die mineraalverkope
altesame R300,6 miljard werd, ’n 22,3%-verbetering op ’n jaar tevore.
Die waarde van ystererts-verkope het met 50% gespring en in die
tien maande het dit R51,7 miljard beloop.
Steenkoolverkope se waarde het met 19,4% tot R70,65 miljard
gegroei. Dit is die land se enkele waardevolste mineraal.
Verkope van platinumgroepmetale was in die tien maande 14,3% beter
op R69,1 miljard en goudverkope het met 24% tot R53,8 miljard opgeskiet.