Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
Pensioentrekkers van Transnet se
Tweede Vastevoordeelfonds (TTVVF) sal einde Februarie ’n ad hoc-bonus gelykstaande met twee maande se pensioen saam met
hul gewone pensioenbetaling ontvang. Dié besluit is verlede week deur die
trusteeraad van die fonds goedgekeur.
Mnr. John Benwell, pensioentrekker-trustee van die fonds, het by
navraag beklemtoon dié geld kom uit die fondsoorskot en Transnet en die regering het nie geld hiervoor bewillig
nie.
Die uitbetaling aan die meer as 80 000 fondslede sal waarskynlik
sowat R350 miljoen beloop.
Nóg Benwell nóg die fondsbestuurder van die TTVVF, mnr. Peet
Maritz, het die nuutste oorskotsyfer byderhand gehad, maar gegrond op ruwe
ramings kon dit reeds van R3,2 milard in 2010 tot sowat R2,6 miljard gedaal
het.
Maritz sê November se ad hoc-bonusbetaling het die fonds sowat
R180 miljoen gekos.
Die parlement het in 2010 aanbeveel dat Transnet die fonds ’n inspuiting gee sodat ’n eenmalige bedrag gelykstaande met vyf
maande se pensioen uitbetaal kan word. Ook is ’n verhoging van 3,2% in die
basiese pensioen en ’n jaarlikse verhoging gelyk aan 75% van die inflasiekoers
aanbeveel. Transnet het gesê dié voorstelle is
onbekostigbaar.
Benwell sê omdat die fonds self daarvoor verantwoordelik is om die
parlementêre aanbevelings na te kom, sal die fonds nie enige van die
voorgestelde verhogings kan finansier nie. “Ons beskou dus die dubbele bonusbetaling as ’n afsonderlike betaling en nie
deel van die parlementêre opdrag waarkragtens Transnet die geld moes gee
nie.”
Me. Gloria Borman (ANC), lid van die portefeuljekomitee oor
openbare ondernemings en voorsitter van die komitee se taakspan wat destyds dié
kwessie ondersoek het, het aan Sake24 gesê sy kan nie sê sy is
heeltemal “gelukkig” oor die dubbele betaling nie
omdat die res van die aanbevelings nie nagekom kon word nie.
Sy is nie bewus van enige planne om die aangeleentheid verder in
die parlement te bespreek nie.