Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
Johannesburg. – Die nuwe jaar het goed begin, maar 2012 kan steeds ’n lelike u-draai
maak.
Mnr. Matthew Sharrat, ekonoom vir Suid-Afrika van Bank of America
Merrill Lynch (BofAML) sê 2012 sal vir beleggers net soos 2011 verloop, maar
dié keer in trurat.
“Verlede jaar het sleg begin en teen
die einde van die jaar het dinge beter begin lyk.
Ons dink vanjaar gaan goed begin voordat dinge in
die tweede helfte van die jaar begin slegter
gaan.”
Die wêreldmarkte het sedert begin
vanjaar goed veld gewen, met meer positiewe ekonomiese data uit veral Amerika
wat beleggers bemoedig het. Sharrat sê egter Amerika se ekonomiese data het
beleggers einde verlede jaar aangenaam verras omdat die verwagtinge vroeër in
die jaar uitermate sleg was. Hy sê dit is ook kommerwekkend dat die verbetering
in Amerikaanse verbruikersbesteding deur ’n afname in besparing gefinansier is.
“Amerika sal ’n driedubbeletrog in groei ervaar, met sy groeikoers
wat teen einde van vanjaar tot 1% sal terugsak, van 3% begin vanjaar af.”
Hy sê ’n matige resessie in die eurogebied is ook ’n gegewe en
Suid-Afrika se verbintenis tot die wêreldekonomie gaan van 2012 ’n moeilike jaar
maak.
Die land sal gebuk gaan onder stagflasie – die kombinasie van swak
ekonomiese groei en stygende inflasie. BofAML verwag dat die Suid-Afrikaanse
ekonomie vanjaar met slegs 2,5% sal groei, terwyl inflasie in die derde kwartaal
’n hoogtepunt van 7% sal bereik.
BofAML meen voedsel-inflasie, wat saam met ’n swakker rand een van
die grootste dryfvere van inflasie is, sal middel vanjaar ’n hoogtepunt van 14%
bereik.
Sharrat sê die swakheid van die rand en swak groeivooruitsigte laat
die Reserwebank met min beweegruimte, maar die bank sal veral let op hoe lank
inflasie bo die teiken bly.
Hy sê ’n inflasiekoers van 7% is dalk
die sielkundige vlak waar die Reserwebank begin
voel hy kan nie langer versuim om op te tree nie. As dit die geval is, kan die bank dalk al in November die rentekoers opstoot.
Hoewel BofAML bekommerd is oor 2012, sê Sharrat hulle verwag ’n
baie beter 2013.
“Staatsbesteding aan infrastruktuur sal nie in 2012 groei dryf nie.” Hy meen die uitwerking van die staat se beplande
besteding sal eers volgende jaar gevoel word.