Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
Johannesburg. – Europese leiers het gister verdere druk op
Griekeland gesit om die voorwaardes van ’n reddingspakket te aanvaar, maar die
Grieke het weer gesprekke uitgestel omdat hulle
twispunte probeer oplos.
Hernieude vrese vir ’n morsige wanbetaling van Griekeland se skuld
het die markte laat daal.
Die JSE se indeks van alle aandele het met 0,61% of 211 punte tot
34 176 punte gedaal. Die top-40-indeks het met 220 punte of 0,72% tot
30 499 punte verswak.
Dr. Angela Merkel, Duitse kanselier, en pres. Nicolas Sarkozy van
Frankryk het gister in Parys vergader terwyl mnr. Lucas Papademos, Griekse
premier, gesprek gevoer het in Athene met politieke leiers om konsensus te
bereik oor die tweede hulppakket van nagenoeg €130 miljard berig Bloomberg.
Hulle het Sondag ooreengekom om verdere besuinigingsmaatreëls
gelykstaande aan 1,5% van die bruto binnelandse produk te in te stel.
Hulle moet egter nog ooreenkom oor sekere beleidsmaatreëls wat deur
leners geëis word.
Mnr. Antonis Samaras, die hoof van die New Democracy, die tweede
grootste party, het aangedui dat hy sekere maatreëls wat die troika vra, gaan
teenstaan.
Intussen het die grootste vakbonde in Griekeland se openbare en
private sektor, ADEDY en GSEE, ’n dag lange staking gereël vir vandag om teen
die besuinigingsmaatreëls te betoog.
“Ek kan nie heeltemal verstaan waarom ons nog ’n paar dae nodig het
nie – die tyd loop uit,” het Merkel in ’n
gesamentlike verklaring met Sarkozy gesê.
Griekeland se pogings om ’n tweede pakket van die troika – die
Europese Kommissie, die Europese Sentrale Bank en die Internasionale Monetêre
Fonds – te verkry, was die afgelope paar dae in die weegskaal weens Griekeland
se mislukte pogings om ’n ooreenkoms te bereik.
Die Franse CAC 40-indeks het gister 0,59% laer gesluit. Die Duitse
DAX-indeks was effens hoër en het 0,06% hoër gesluit.
Die FTSE 100-indeks in Londen was 0,14% hoër.