Verwante Artikels
Top Stories
Mei 21 2012 05:00
Die beoogde uitfasering van loodvervangingspetrol gaan sekere motoreienaars geld kos.
Mei 21 2012 05:00
Geen van die staat se beloofde infrastruktuurprojekte het nog ’n werklikheid geword nie.
Mei 21 2012 05:00
Verskeie SA wynmakers het reeds ingeskryf vir die toonaangewende Chinese Wyntoekennings-plegtigheid.
JP Morgan Chase & Co., Amerika se grootste bankgroep, het pres.
Barack Obama se nuwe spesiale eenheid wat
ondersoeke na banke se huislenings en die verkoop
van verbandsekuriteite gaan uitbrei, skerp gekritiseer.
Mnr. Jamie Dimon, uitvoerende hoof van die bankreus, het verlede
week in Davos, Switserland, gesê dié eenheid kan die skikkingsproses met die
deelstate oor verbande wat opgeroep word, tot stilstand bring.
“Dit kan die gesprekke heel moontlik ongedaan maak,” het Dimon in
’n onderhoud met die nuusdiens CNBC by die beraad van die Wêreld- Ekonomiese
Forum (WEF) gesê.
Obama het verlede Dinsdag in sy
staatsrede aangekondig dat hy die minister van justisie gevra het om ’n
spesiale eenheid van aanklaers op die been te bring wat die ondersoeke na
huislenings en na die samestelling van verbandgesteunde sekuriteite sal
uitbrei.
JP Morgan, Bank of America, Wells Fargo & Co, Citigroup en Ally
Financial voer al maande gesprekke met die prokureurs-generaal van die deelstate
om bewerings oor ongerymdhede in die oproep van verbande uit te klaar. Hulle
bespreek ’n plan dat banke $25 miljard aan huiseienaars betaal, hoofsaaklik deur
verbandlenings te verklein.
“Ek dink dinge sal vir Amerika beter wees as dié skikking
deurgevoer word,” het Dimon gesê.